Hvaða leið er best að hjóla?

Þegar bíllinn er skilinn eftir heima og hjólað af stað opnast nýr heimur undir berum himni með nýjum valkostum og það getur verið mikið ævintýri að upp­götva nýjar leiðir um borgina. Má þar nefna leiðina meðfram suðurströnd Reykjavíkur inn í Fossvog og alla leið upp í Heiðmörk þar sem hægt er að forðast samneyti við bílaumferð að mestu alla leið. Einnig er hægt að hjóla á móti umferð í einstefnugötum uppi á gangstétt eða þar til gerðum hjólastígum.

Skemmtilegast getur verið að uppgötva þessar leiðir í góðum félagsskap t.d. í rólegu þriðjudagskvöldferðunum okkar í Fjalla­hjóla­klúbbnum á sumrin.

Það er fjöldi appa sem virka sem leiðsögutæki og byggja yfirleitt á gögnum frá Google Maps eða Open Street Map. Þau bjóða þér að velja mismunandi fararmáta, gangandi, hjólandi, almenningssamgögnur og einkabíll. Hér eru nokkur dæmi.

 

Hjólavefsjá Bikecitizen

Á vefnum bikecitizens.net er hjólavefsjá sem finnur hentuga leið eftir þeim forsendum sem þú velur

Ef þú ert með snjallsíma getur þú líka náð í appið og fengið leiðsögn jafnóðum.

bikecitizens hjólavefsjáin

Hjólavefsjá Cycle.Travel

Á vef cycle.travel er hjólavefsjá sem finnur hentuga leið eftir þeim forsendum sem þú velur. Þar er t.d. hægt að velja að leiðin sé á hjólastígum.

Ef þú ert með snjallsíma getur þú líka náð í appið og fengið leiðsögn jafnóðum.

Cycle.Travel hjólavefsjáin

Strava leiðir

Fjöldi fólks skráir ferðir sínar hjá Strava og það getur verið fróðlegt að skoða hvar notendur forritsins hjóla mest og hvaða leið þeir velja milli hverfa, sveitafélaga o.s.frv. Reyndar eru notendur Strava meira keppnisfólk að æfa sig heldur en almenningur að dóla sér í vinnuna en þetta er góð viðmiðun ef þú ratar ekki úr Grafarvog í Hafnarfjörð. Á myndinni sést Strava heatmap sem sýnir rautt þar sem mest er hjólað og blátt og daufara þar sem minna er hjólað.

labs.strava.com/heatmap

strava heatmap